(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.200. అధ్యాయః 200
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
భీష్మేణ యుధిష్ఠిరంప్రతి దృష్టాంతప్రదర్శనపూర్వకం దానప్రశంసనం॥ 1 ॥
Mahabharata - Anushaasana Parva - Chapter Text

యుధిష్ఠిర ఉవాచ।

దానేన వర్తతేత్యాహ తపసా చైవ భారత।
తదేతన్మే మనోదుఃశం వ్యపోహ త్వం పితామహ।
కింస్విత్పృథివ్యాం హ్యేతన్మే భవాఞ్శంసితుమర్హతి॥ 13-200-1(89141)
భీష్మ ఉవాచ। 13-200-2x(7437)
శృణు యైర్ధర్మనిరతైస్తపసా భావితాత్మభిః।
లోకా హ్యసంశయం ప్రాప్తా దానపుణ్యరతైర్నృపైః॥ 13-200-2(89142)
సత్కృతశ్చ తథాఽఽత్రేయః శిష్యేభ్యో బ్రహ్మ నిర్గుణం।
ఉపదిశ్య తదా రాజన్గతో లోకాననుత్తమాన్॥ 13-200-3(89143)
శిబిరోశీనరః ప్రాణాన్ప్రియస్య తనయస్య చ।
బ్రాహ్మణార్థముపాకృత్య నాకపృష్ఠమితో గతః॥ 13-200-4(89144)
ప్రతర్దనః కాశిపతిః ప్రదాయ తనయం స్వకం।
బ్రాహ్మణాయాతులాం కీర్తిమిహ చాముత్ర చాశ్నుతే॥ 13-200-5(89145)
రంతిదేవశ్చ సాంకృత్యో వసిష్ఠాయ మహాత్మనే।
అర్ఘ్యం ప్రదాయ విధివల్లేభే లోకాననుత్తమాన్॥ 13-200-6(89146)
దివ్యం శతశలాకం చ యజ్ఞార్థం కాంచనం శుభం।
ఛత్రం దేవావృధో దత్త్వా బ్రాహ్మణాయాస్థితో దివం॥ 13-200-7(89147)
భగవానంబరీషశ్చ బ్రాహ్మణాయామితౌజసే।
ప్రదాయ సకలం రాష్ట్రం సురోలకమవాప్తవాన్॥ 13-200-8(89148)
సావిత్రః కుండలం దివ్యం యానం చ జనమేజయః।
బ్రాహ్మణాయ చ గా దత్త్వా గతో లోకాననుత్తమాన్॥ 13-200-9(89149)
వృషాదర్భిశ్చ రాజర్షీ రత్నాని వివిధాని చ।
రంయాంశ్చావసథాందత్త్వా ద్విజేభ్యో దివమాగతః॥ 13-200-10(89150)
నిమీ రాష్ట్రం చ వైదర్భిః కన్యాం దత్త్వా మహాత్మనే।
అగస్త్యాయ గతః స్వర్గం సపుత్రపశుబాంధవః॥ 13-200-11(89151)
జామదగ్న్యశ్చ విప్రాయ భూమిం దత్త్వా మహాయశాః।
రామోఽక్షయాంస్తథా లోకాంజగామ మనసోఽధికాన్॥ 13-200-12(89152)
అవర్షతి చ పర్జన్యే సర్వభూతాని దేవరాట్।
వసిష్ఠో జీవయామాస యేన యాతోఽక్షయాం గతిం॥ 13-200-13(89153)
రామో దాశరథిశ్చైవ హుత్వా యజ్ఞేషు వై వసు।
సగతో హ్యక్షయాఁల్లోకాన్యస్య లోకే మహద్యశః॥ 13-200-14(89154)
కక్షసేనశ్చ రాజర్షిర్వసిష్ఠాయ మహాత్మనే।
న్యాసం యథావత్సంన్యస్య జగామి సుమహాయశః॥ 13-200-15(89155)
కరంధమస్య పౌత్రస్తు మరుత్తోఽవిక్షితః సుతః।
కన్యామాంగిరసే దత్త్వా దివామాశు జగామ సః॥ 13-200-16(89156)
బ్రహ్మదత్తశ్చ పాంచాల్యో రాజా ధర్మభృతాంవరః।
నిధిం శంఖమనుజ్ఞాప్య జగామ పరమాం గతిం॥ 13-200-17(89157)
రాజా మిత్రసహశ్చైవ వసిష్ఠాయ మహాత్మనే।
మదయంతీం ప్రియాం భార్యాం దత్త్వా చ త్రిదివం గతః॥ 13-200-18(89158)
మనోః పుత్రశ్చ సుద్యుంనో లిఖితాయ మహాత్మనే।
దండముద్ధృత్య ధర్మేణ గతో లోకాననుత్తమాన్॥ 13-200-19(89159)
సహస్రచిత్యో రాజర్షిః ప్రాణానిష్టాన్మహాయశాః।
బ్రాహ్మణార్థే పరిత్యజ్య గతో లోకాననుత్తమాన్॥ 13-200-20(89160)
సర్వకామైశ్చ సంపూర్ణం దత్త్వా వేశ్మ హిరణ్మయం।
మౌద్గల్యాయ గతః స్వర్గం శతద్యుంనో మహీపతిః॥ 13-200-21(89161)
భక్ష్యభోజ్యస్య చ కృతాన్రాశయః పర్వతోపమాన్।
శాండిల్యాయ పురా దత్త్వా సుమన్యుర్దివమాస్థితః॥ 13-200-22(89162)
నాంనా చ ద్యుతిమాన్నామ సాల్వరాజో మహాద్యుతిః।
దత్త్వా రాజ్యమృచీకాయ గతో లోకాననుత్తమాన్॥ 13-200-23(89163)
మదిరాశ్వశ్చ రాజర్షిర్దత్త్వా కన్యాం సుమధ్యమాం।
హిరణ్యహస్తాయ గతో లోకాందేవైరధిష్ఠితాన్॥ 13-200-24(89164)
లోమపాదశ్చ రాజర్షిః శాంతాం దత్త్వా సుతాం ప్రభుః।
ఋశ్యశృంగాయ విపులైః సర్వైః కామైరయుజ్యత॥ 13-200-25(89165)
కౌత్సాయ దత్త్వా కన్యాం తు హంసీం నామ యశస్వినీం।
గతోఽక్షయానతో లోకాన్రాజర్షిశ్చ భగీరథః॥ 13-200-26(89166)
దత్త్వా శతసహస్రం తు గవాం రాజా భగీరథః।
స వత్సానాం కోహలాయ గతో లోకాననుత్తమాన్॥ 13-200-27(89167)
ఏతే చాన్యే చ బహవో దానేన తపసా చ హ।
యుధిష్ఠిర గతాః స్వర్గం నివర్తంతే పునఃపునః॥ 13-200-28(89168)
తేషాం ప్రతిష్ఠితా కీర్తిర్యావత్స్థాస్యతి మేదినీ।
గృహస్థైర్దానతపసా యైర్లోకా వై వినిర్జితాః॥ 13-200-29(89169)
శిష్టానాం చరితం హ్యేతత్కీర్తితం మే యుధిష్ఠిర।
దానయజ్ఞప్రజాసర్గైరేతే హి దివమాస్థితాః॥ 13-200-30(89170)
దత్త్వా తు సతతం తేఽస్తు కౌరవాణాం ధురంధర।
దానయజ్ఞక్రియాయుక్తా బుద్ధిర్ధర్మోపచాయినీ॥ 13-200-31(89171)
యత్ర తే నృపశార్దూల సందేహో వై భవిష్యతి।
శ్వః ప్రభాతే హి వక్ష్యామి సంధ్యా హి సముపస్థితా॥ ॥ 13-200-32(89172)

ఇతి శ్రీమన్మహాభారతే అనుశాసనపర్వణి దానధర్మపర్వణి ద్విశతతమోఽధ్యాయః॥ 200 ॥

Mahabharata - Anushaasana Parva - Chapter Footnotes

7-200-1 దానతపసోర్మధ్యే కిం శ్రేష్ఠమితి ప్రశ్నః। వర్తతే స్వర్గే ఇతి శేషః సంధిరార్షః॥ 7-200-9 సావిత్రః కర్ణః॥ 7-200-12 మనసో మనఃసంకల్పాదప్యధికాన్॥ 7-200-13 దేవరాట్ భూదేవారాట్ వసిష్ఠః॥ 7-200-15 న్యాసం దానరూపేణ స్థాపనం॥ 7-200-17 అనుజ్ఞాప్య దత్త్వా॥ 7-200-19 దండం చోరయోగ్యం హస్తచ్ఛేదరూపం॥ 7-200-22 రాశయః రాశీన్॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.